Fanina ny mpifidy ary milofika ao anatin’ny hafanam-pony manoloana, savorovoro mitranga ataona antoko politika isaky ny fifidianana izao. Apetraky ny antoko ny kandida arotsany, saingy tsy mahafa-po ny eny ifotony, ka io miteraka gidragidra lava izao isaky ny fifidinanana. Anaran’olon-kafa tsy faheno ary tsy hita teny anivon’ny fiaraha-monina hatramin’izay no indro fa mirehoka ho nahazo ny fon’ny birao foibe ka tsy maintsy ho enken-teny ho an’ny vahoaka izay mihevitra ho mpikambana sy mpanohana. Mihodikondina toa tandrimo ny raharaha ka tsy mahagaga raha mitakemotra ny mpifidy andeha handatsa-bato noho ireo tsy fahaiza-mandamina anatiny ireo. Koa leo politika ny olona sa ny politika entin’ny mpitantanana no tsy alehany ?
Tandrimo
vendredi 2 novembre 2007 | 581 visites |