Velom-bolo ny ankamaroan’ny depiote maro teny Tsimbazaza raha nandre ilay tenin’ny filoha Ravalomanana tany Mandoto omaly izay nilaza fa hanome fiara 4X4 ny depiote voafidy tao amin’io faritra io ny tenany mba ahafahan’io olom-boafidy miasa tsara. Tsy mitsipaka ny tapaka nandritra ny filan-kevitry ny Governemanta ho nandrara ny fanomezana 4X4 aho, hoy ny filoha fa azo atao tsara ny mijery fitaovana ho an’ny hafa.
Hatreto dia maro ny ao Tsimbazaza no velom-bola ny ahazoana fiara sy tombotsoa hafa, satria ilaina amin’ny asa izay ho sahan’izy ireo amin’ny faritra rehetra any ny fiara tsy mataho-dàlana, ary hita fa TIM no maro an’isa koa nahoana no tsy omena izay tadiaviny ny mpiara-mitolona ? Iretsy ambiny tsy miankina aza toa efa hiova loko hanaraka ny làlan-kizoran’ny fitondrana koa tsy izao ve no tonga amin’ilay fiteny hoe tafaray ny tia sy ny manina ?