Eo anatrehan’ny zavamisy ankehitriny, izay ahitana ny tsy nampahomby ny fanantanterahana ny fifanarahana vita tany Maputo sy Addis Abeba, ny RARE dia mihevitra fa :
Tsy misy afa-tsy amin’ny alàlan’ny fifanakalozan-kevitra madio sy ny fitadiavana ny marimaritra iraisana ihany no hahitantsika vaha-olana amin’izao krizy misy eto amin’ny Firenena izao. Koa manainga antsika Malagasy hifampiresaka sy hifandefitra, fa raha tsy izay dia hahazo vahana ny fifankahalana sy ny fifanenjehana izay mety hitondra antsika any amin’ny fifandonana. Izany fifanankalozan-kevitra eo amin’ny samy Malagasy izany dia handraisan’ny hery velona rehetra eto amin’ny Firenena anjara fa tsy ho apetraka amin’ireo ankolafiny politika efatra izay namolavola ny fifanarahana tany Maputo fotsiny akory.
Ho fanantanterahana izany fifampiresahana sy fifanankalozan-kevitra izany dia tokony hijoro haingana ny solontenan’ny Ray amandReny na ny Olobe to-teny vitsivitsy avy amin’ny Faritra rehetra misy eto amin’ny Firenena handinika ireto zavatra manaraka ireto :
ny antony tsy nampahomby ny fanantaterahana ny satan’ny Tetezamita,
handroso tolon-kevitra toy ny sata vaovao sy ny lalan-kizoran’ny Tetezamita homeny an’izay solontenan’ny Hery Velona misy eto amin’ny Firenena mba ho dinihina.
Ny fanaovana fifidiana alohan’ny hisian’ny marimaritra iraisana dia tsy mahavaha ny olana misy.
Ny nanekentsika ny nampijoroana ny Tetezamita rahateo moa dia ny mba afahafan’ny Malagasy rehetra hamolavola Lalampanorenena vaovao eken’ny maroanisa sy hametrahana ny fitsipi-dalao mazava hisian’ny fifidianana madio tsy hampisy olana sy korotana intsony eto amin’ny Firenena.
Ny RARE dia vonona handray andraikitra hampifanatona ny hery rehetra ahitana ny marimaritra iraisana amin’ny samy Malagasy ivoahana haingana amuin’ny olana ara-politika misy ankehitriny.
Ny Mpandrindra ny RARE
VELOMPANAHY Aristide
Vos commentaires
21 janvier 2010 à 13:15 | vodkasola (#3707)
HATAOKO MILLIARDAIRE DAHOLO NY MALAGASY REHETRA
HATAOKO MAHAZO FIARA 4L DAHOLO NY MALAGASY REHETRA
HATAOKO TAFAVOAKA NY TUNNEL ISIKA TSY HO ELA
HATAOKO HENO MANERANA NY NOSY NY RADIO REHETRA IZAY MISY ETO MADAGASIKARA
HATAOKO MAHAZO ASA DAHOLO NY TSY AN’ASA
HATAOKO MITOVY DAHOLO NY MALAGASY REHETRA NA NY MANAMBOLA DIA ATAOKO MITOVY AMIN’NY MAHANTRA ARY NY MAHANTRA ATAOKO MITOVY AMIN’NY MANAMBOLA
HATAOKO MAIMAIMPOANA NY FIANARANA
HATAOKO MAIMAIMPOANA NY FITSABOANA
HATAOKO MAIMAIMPOANA NY FITATERANA
HATAOKO PARADISA SOSIALISTA I MADAGASIKARA
HATAOKO PARADISA KAPITALISTA I MADAGASIKARA
HATAOKO MANGARAHARA DAHOLO NY FITANTANANA ARA-BOLA ETO MADAGASIKARA KA NY KAONTINAO ANY AMIN’NY BANKY DIA TOKONY HO FANTATRIN’NY MALAGASY REHETRA
ENY SA TSIA ? FIDIO AHO RY MALAGASY- VELOMA